Psa 26 | NdeIBE | STEP | ElikaDavida Veza ukungabi lacala kwami, O Jehova, ngokuba sengiphile impilo engelansolo; Ngihlezi ngimethemba uJehova ngingaxhamandi.

Psalms 26

1 Veza ukungabi lacala kwami, O Jehova, ngokuba sengiphile impilo engelansolo; Ngihlezi ngimethemba uJehova ngingaxhamandi.

2 Ngilinga, O Jehova, ungizame, hlola inhliziyo yami lengqondo yami;

3 ngokuba uthando lwakho luhlezi luphambi kwami, njalo kokuphela ngihamba eqinisweni lakho.

4 Kangidlelani labantu abakhohlisayo njalo kangiwelelani labazenzisi;

5 ngiyawenyanya umbuthano wezigangi; njalo ngiyala ukuhlala lezixhwali.

6 Ngigeza izandla zami ngokungelacala, bese ngilizungeza i-alithare lakho, O Jehova,

7 ngimemezele ngamandla indumiso yakho ngibatshele bonke ngemisebenzi yakho eyisimanga.

8 Ngiyayithanda indlu ohlala kuyo, O Jehova, indawo lapho inkazimulo yakho ehlala khona.

9 Ungamukisi umphefumulo wami ndawonye lowezoni, impilo yami kanye lalabo abomele igazi,

10 ozandla zabo zilamacebo amabi, ozandla zabo zokunene zifumbethe izivalamlomo.

11 Kodwa mina ngiphila impilo engelasici; ngihlenga ube lesihawu kimi.

12 Izinyawo zami zimi emhlabathini ochayileyo; ngizamdumisa uJehova emhlanganweni omkhulu.